وتەبێژی حكومەتی هەرێمی كوردستان رایگەیاند، چارەسەربوونی هەموو كێشەكان لەساڵی 2017دا پێدەچێت كارێكی قورس بێت، چونكە بارودۆخی دارایی پەیوەستە بەكۆمەڵێك شتی وەك بارودۆخی ناوخۆ و نێودەوڵەتی و نرخی نەوت و شەڕی داعش.

سەفین دزەیی وتەبێژی حكومەتی هەرێمی كوردستان ئەمڕۆ پێنج شەممە بە ڕۆژنامەنوسانی ڕاگەیاند: چارەسەركردنی سەرجەم كێشەكانی هەرێمی كوردستان لەساڵی 2017دا كارێكی قورس دەبێت، چونكە ساڵانە ملیارێك و 400 ملیۆن دۆلار خەرجی حكومەتی هەرێمی كوردستانە بۆ ئاوارەكانە، وە بۆ خزمەتگوزاری تەندروستی و پەروەردە و ئاو ئاوەڕو چەندین شتی تر دابین دەكرێت، بۆیە ئەگەر ئاوارەكان بگەڕێنەوە، ئەو تێچووە نامێنێت و دەبێتە داهات بۆ پێدانی موچە و دابینكردنی خزمەتگوزاری.

هەروەها وتیشی: كەس نكۆڵی لەوە ناكات كە گەندەڵی لە كوردستاندا نیە، بەڵام دەبێت وەك واقع ببینرێت و چەند دامودەزگای حكومی هەیە كە بەیاسا دانراون و بەیاسا كارەكانی خۆیان دەكەن و ئەو كەس ولایەنانەی گەبەگەندەڵیەوە تێوەگرلاون ڕوبەڕوی دادگایان دەكەنەوە و حكومەتی هەرێمیش پشتیوانیان دەكات.

پاش پێشكەشكردنی وتەی سەرۆكی حكومەتی هەرێم لە كۆنفرانسی روبەڕوبونەوەی گەندەڵی، كە سەرلەبەیانی ئەمڕۆ لە هەولێر كارەكانی دەستیپێكردوە، سەفین دزەیی بە رۆژنامەنوسانی وت "ساڵانە ملیارێك و 400 ملیۆن دۆلار خەرجی حكومەتی هەرێمی كوردستانە بۆ ئاوارەكان، ئەویش بۆ خزمەتگوزاری تەندروستی و پەروەردە و ئاو ئاوەڕو چەندین شتی تر دابین دەكرێت، بۆیە ئەگەر ئاوارەكان بگەڕێنەوە، ئەو تێچووە نامێنێت و دەبێتە داهات بۆ پێدانی موچە و دابینكردنی خزمەتگوزاری".

وتەبێژی حكومەتی هەرێم لەوەڵامی پرسیارێكیش سەبارەت بە بەرزبونەوەی نرخی نەوت و كاریگەری لەسەر داهاتی هەرێم، رایگەیاند، جێگیربوونی نرخی نەوت بەشێك لە كێشەكان چارەسەر دەكات.