بەرێوەبەرایەتی گشتی كارەبای سلێمانی ئاگاداری گشت كۆمپانیاو شوێنە بازرگانیەكان دەكاتەوە كە ئەو ڕیكلامە بازرگانیانەیان كە بە ستونی كارەبای رووناكی شەقامەكاندا هەڵواسیوە ،لە ماوەی یەك هەفتدا لێی دەكەنەوە .

بەرێوەبەرایەتی گشتی كارەبای سلێمانی ئاگادارینامەیەكدا ڕایگەیاند:" ئاگاداری گشت كۆمپانیاو شوێنە بازرگانیەكان دەكەین كە (تابلۆی) ڕیكلامی بازرگانیان بە ستونی كارەبای (ئینارە) رووناكی شەقامەكاندا هەڵواسیوە ،لە ماوەی یەك هەفتدا تا بەرواری (21/2/2016) لێبكەوە، بە پێچەوانەوە تیمەكانی كارەبا لێی دەكەنەوە".

هەروەها ئاماژەی بەوەش كردووە:" بە هیچ شێوەیەك تابلۆی ڕیكلامی بازرگانی بە ستوونی كارەبای ڕووناكردنەوەی شەقامەكاندا هەڵنەواسرێت، چونكە زیان بە تۆڕەكانی كارەبا و ستوونەكان دەگەیەنێت".

لەكۆتایی ئاگادارینامەكەدا بەرێوەبەرایەتی گشتی كارەبای سلێمانی ئەوەشی خستەڕوو: بۆ هەڵواسینی تابلۆ بە ستوون و تاوەرەكانی دیكەی كارەبادا، پێشوەخت پێویستە ڕەزامەندی بەڕێوەبەرایەتی گشتی كارەبا وەربگرن بەگوێرەی رێنماییەكان، بە پێچەوانەوە تابلۆكان لێدەكرێنەوە.