لە تۆڕە کۆمەڵایەتییەکان داخڵكردنی گشت قوتابییانی 12ی ئاماده‌یی بۆ تاقیكردنه‌وه‌ی ئه‌زموونه‌ گشتییه‌كانی ئه‌مساڵ بابەتێکی گەرمە و وەزارەتی پەروەردەش ڕەتی دەکاتەوە.

سامان سیوه‌یلی وته‌بێژی وه‌زاره‌تی په‌روه‌رده‌ی حكوومه‌تی هه‌رێمی كوردستان به‌ ماڵپەی وشەی ڕاگەیاندووە "وه‌زاره‌تی په‌روه‌رده‌ ڕاوێژی له‌گه‌ڵ ڕاوێژكار و پسپۆڕه‌كانی كردووه‌ و هیچ پلانێكی نییه‌ بۆ داخڵكردنی گشت قوتابییانی 12ی ئاماده‌یی بۆ تاقیكردنه‌وه‌ی ئه‌زموونه‌ گشتییه‌كانی ئه‌مساڵ كه‌ بڕیاڕه‌ 15-6-2017 ده‌ست پێ‌ بكات "

هەروەها وتوشییەتی داخڵكردنی گشتی زیان به‌ پرۆسه‌ی خوێندن ده‌گه‌یه‌نێت و كاریگه‌ری ده‌بێت له‌سه‌ر توانای زانستی قوتابی و سته‌مێكیشه‌ له‌وانه‌، زیره‌كن و به‌ مافی خۆیان داخڵ بوون له‌گه‌ڵ ئه‌وانه‌ی كه‌ به‌هۆی كه‌مته‌رخه‌مییه‌وه‌ له‌ خوێندن، داخڵ نه‌كراون .

هاوكات یوسف كه‌مال پسپۆڕ و ڕابه‌ری په‌روه‌رده‌یی له‌ وه‌زاره‌تی په‌روه‌رده‌ دەڵێت تا ئێسته‌ وه‌زاره‌تی په‌روه‌رده‌ داتایه‌كی نه‌خستووه‌ته‌ ڕوو كه‌ پیشانی بدات ئه‌و قوتابییانه‌ی له‌ ساڵانی پێشووتردا داخل كراون، تا چه‌ند سه‌ركه‌توو بوون و نمره‌ی باشیان هێناوه‌ .