عەلی قازی محەمەد، کوڕی "پێشەوا" قازی محەمەد، بانگێشت
نامەیەک ئاڕاستەی پارت و ڕێکخراوە
سیاسیەکانی ڕۆژهەڵاتی کوردستان دەکات.
لە نامەیەکدا کە ئاڕاستەی لایەنە سیاسییەکانی کردووە هاتووە "وەک
هەموان دەزانن کوردستان و ناوچەکە بە دۆخێکی هەستیاردا تێدەپەڕێ... گۆڕانکاری نوێ
و خێرا چاوەڕێ دەکرێ... ئەو دۆخەی ئێستا لە هەرکات زیاتر پێویستی بە یەکێتی
ریزەکانی کورد بەگشتی و هاوکاری و هاودەنگی حیزب و لایەنە سیاسییەکانی کوردستان
هەیە...... بۆئەوەی لە داهاتوودا ئەو دەرفەتانەی بۆ کوردی رۆژهەڵاتی
کوردستان دەڕەخسێن لەکیس نەدەین و لە لایەکی دیکەوە دڵی خەڵکی ناڕازی کوردستان کە
پەرتەوازەیی حیزبەکان ناهومێدی کردوون ئاشت بکەینەوە و بزووتنەوەی کوردی رۆژهەڵات
پێشبخرێ و هاودەنگ و یەکگرتووبکرێ.. لێکنزیکبوونەوە و کاری جددی بۆ پێکهێنانی
چوارچێوەیەک کە سیاسەت و گوتاری سیاسی رۆژهەڵات یەک و رێکبخات ئەرکێکی هەرە لەپێشی
لایەنە سیاسییەکانە"
هەر لەو ڕاگەیەندراوەدا هاتووە لەپێناوی ئەو ئامانجەدا
بەندەی برای هەموو لایەکتان بانگێشتی بەرپرسانی یەکەم یان بڕیاربەدەستی حیزبەکان
دەکەم بۆ کۆبوونەوەیەک لەم مانگەدا لەپێناوی یەکێتی و یەکڕیزی و سەرئەنجام
پێکهێنانی بەرەیەکی کوردستانی لە رۆژهەڵاتی کوردستان، داواکارم لە بەڕێزتان کە
تاکو 10/8/2017 وەڵامی بانگهێشتەکەم بدەنەوە .