سەعد حەدیسی وتەبێژی نووسینگەی راگەیاندنی حەیدەر عەبادی سەرۆك
وەزیرانی عێراق رایگەیاند نزیكەی 7 ملیۆن كەس مانگانە مووچە لە دەوڵەت وەردەگرن و
كۆی مووچەكەشیان لە هەر مانگێكدا دەگاتە 4 ترلیۆن دینار.
ڕاشیگەیاندووە ئەمە جگە لە خەرجییەكانی كە بۆ كەرتە گرنگەكانی
وەك خوێندن و تەندروستی و كارەبا و خزمەتگزارییە سەرەكییەكانی دیكەو هەروەها
دابینكردنی پێداویستییەكانی ئاوارەكان تەرخان دەكرێت.
ڕوونیشی کردووەتەوەكە
حكومەت پەنای بردۆتە بەر سیاسەتی كەمكردنەوەی خەرجییەكان و وتیشی، حكومەت
سەركەوتوو بووە لە كەمكردنەوەی پشتبەستن بە داهاتەكانی نەوت و كەمكردنەوەی لە
بودجەدا بەرێژەی 85%.
هێمای بۆ ئەوەشکرد کە 7 ملیۆن مووچە خۆریان هەیە، لە کاتێکدا
عێراق 36 ملیۆن کەسە، بەڵام هەرێم لە کەمتر لە 6 ملیۆن کەس یەک ملیۆن مووچە خۆری
هەیە.