کەمێک لەمەوبەر عەمید نەریمان، به‌ڕێوه‌به‌ری هاتووچۆی سلێمانی له‌پێگه‌ی تایبه‌تی خۆی دوو وێنه‌ی بڵاوكرده‌وه‌، له‌گه‌ڵ په‌یامێك.

ده‌قی په‌یامه‌كه‌ی :
سوپاس و ستایش بۆ خوای گەورە و میهرەبان ...
سوپاس و پێ زانینم بۆ بەرێزان وەزیری تەندروستی و ستافی وەزارەت و پزیشکان ..

سوپاسی زۆر و بێ پایانم بۆ بەڕێوەبەر و سەرجەم پزیشکە بەڕێزەکان و گشت کارمەندە ماندوونەناسەکانی نەخۆشخانەی هیوا لە سلێمانی کە زۆر دڵسۆزانە هاوکارو پشتیوانم بوون بۆ تێ پەڕاندنی ئەم قۆناغە سەختەی ژیانم نموونەتان زۆر بێت ئەی دڵسۆزانی سلێمانی و مرۆڤ دۆستان و بە ئەخلاق و بە ویژدانەکان ..

سوپاس و پێزانینم بۆ ئەفسەر و کارمەندانی بەڕێوە بەرایەتی هاتووچۆی سلێمانی کە هاوکارم بوون ، سوپاسی زۆرم بۆ خزمان و دۆستان و هاوڕێیانم کە هاوکارم بوون یان لە هەواڵتان پرسیوم بە هەر هۆکارێکی پەیوەندی بۆ خۆم یان بۆ کەس و کارم ، زۆر داوای لێ بووردن لەو هاووڕێ و دۆستانە ئەکەم کە نەمئەتوانی بە خزمەتییان بگەم چونکە ڕێنمایی پزیشکە بەڕێزەکان بوو ، بە گەورەیی خۆتان بمان بەخشن ..

پاش مانەوەم لە نەخۆشخانەی فۆرتیس لە هندستان _ نیو دەلهی بۆ ماوەی ۲٥ ڕۆژ ڕۆژی ۷/۱٤ نەخۆشخانەم بەجێ هێشت . ئێستا تەندروستیم زۆر باشە و بە پێ ی پشکنین و ڕاپۆرتە پزیشکی یەکان پاشماوەی ئەو نەخۆشییە کوشندەیەم بنە بڕ بووە بۆیە زۆر سوپاسی پزیشکە بەڕێزەکان و کارمەندانی نەخۆشخانەی فۆرتیس ئەکەم ...

بەهێزی ئیرادە و بڕوا بە خۆ بوون مەرجە بۆ سەرکەوتنت بەسەر گشت ناخۆشی و تەنگو چەڵەمەکانی ژیان . انشااللە لە داهاتوودا بە نیشتمان شاد ئەبینەوە تەنها چەند پشکنینێک و چاودێرم ماوە بۆ دڵنییایی زیاتری خۆم ڕێزم قبوڵ بفەرموون ...

هندستان / نیو دەلهی
۷ / ۸ / ۲٠۱۷