ئەمرۆ بە ئامادەبوونی مەسعود بارزانی كۆبوونەوەی یەكێتی‌و پارتی دەكرێت‌و بڕیاریشە رێكەوتننامەی كاراكردنەوەی پەرلەمان واژۆ بكەن.

بە پێی زانیارییەكان ئەمرۆ دووشەممە 11ی ئەیلول، شاندی باڵای یەكێتی و پارتی جارێكی دیكە كۆدەبنەوە و لەلایەن نێچیرڤان بارزانی جێگری سەرۆكی پارتی و كۆسرەت رەسوڵ عەلی جێگری سكرتێری گشتی یەكێتییەوە رێككەوتنی نێوانیان واژوو دەكرێت.

دوێنێ شاندی پارتی بە سەرۆكایەتی نێچیرڤان بارزانی و شاندی یەكێتی بەسەرۆكایەتی مەلا بەختیار لە هەولێر رێككەوتن لە سەر كاراكردنەوەی پەرلەمانی كوردستان لە رۆژی 14ی ئەیلوول، ئەگەر گۆڕان و كۆمەڵیش ئامادە نەبن.

بەپێی مێدیا فەڕمییەكانی یەكێتی، پارتی بە داواكارییەكانی یەكێتی قایل بووە بۆ كاراكردنەوەی پەرلەمان.
بەپێی سەرچاوەكانی یەكێتی و پارتی، پەرلەمانی كوردستان، كە كارادەكرێتەوە كار دەكات بۆ دەركردنی یاسا بۆ ریفراندۆم و باشكردنی مووچەی فەرمانبەران.