ئەندامێكی جڤاتی نیشتمانی بزوتنەوەی گۆڕان ئاشكرایدەكات "هەر كاتێك ئۆپۆزسیۆن بوونمان راگەیاند ئەو كات پۆستی سەرۆكی پەرلەمان هەڕاج دەكەین".

چالاك موهەندیش، ئەندامی جڤاتی نیشتمانی بزوتنەوەی گۆڕان بە تۆڕی هەواڵی سلێمانی وتووە: كاتی ئەو هاتووە جڤاتی نیشتمانی كۆببێتەوە‌و خۆی یەكلایی بكاتەوە، بەڵام تا ئێستا هیچ وادەیەك بۆ ئەو كۆبوونەوەیە دانەنراوە.

هەروەها دەڵێت: زۆرینەی بزوتنەوەكە لەگەڵ ئەوەدان كە گۆڕان ببێتە ئۆپۆزسیۆن‌و هەر كاتێك گۆڕان ئۆپۆزسیۆن بوونی خۆی راگەیاند ئەو كات د. یوسف محەمەد سەرۆكلی پەرلەمانی كوردستان دەست لەكار كێشانەوەی خۆی رادەگەیەنێت.

وتیشی: ئەو كاتە وەكو گۆڕان پۆستی سەرۆكی پەرلەمان هەڕاج دەكەین‌و بە هەزارنترین نرخ دەیفرۆشین.