وتەبێژی مەكتەبی سیاسی یەكێتی نیشتمانی كوردستان رایگەیاند رۆژی هەینی تەرمی مام جەلال بەخاك دەسپێردرێت.
سەعدی ئەحمەد پیرە، وتەبێژی یەكێتی نیشتیمانی كوردستان لە كۆنگرەیەكی ڕۆژنامەوانیدا ڕایگەیاند "رۆژی هەینی 6-10-2017 تەرمی مام جەلال دەهێنرێتەوە و دەنێژرێت، شەممەش یەكەم رۆژی پرسەكەی دەبێت".
وتەبێژی یەكێتیش ڕایدەگەیەنێت، " ئێستا شوێنی بەخاكسپاردنەكەی لەئێستادا ئاشكراناكەین، یەكەم ڕۆژی پرسەكەشی لە سلێمانی دەبێت و ڕۆژانی دوایی لە سەرجەم شار و شارۆچكەكان دەبێت".
جلال تاڵەبانی، ناسراو بە مام جەلال لەدایكبووی ١٢ی تشرینی دووەمی ١٩٣٣ ، سكرتێری گشتی یەكێتیی نیشتمانیی كوردستان و سەرۆك كۆماری پێشووی عێراقە. تاڵەبانی لە ٦ی نیسان دوای هەڵبژاردنی لەلایەن كۆمەڵەی نیشتمانیی عێراقەوە لە ٢٠٠٥ پۆستی سەرۆك كۆماری عێراقی پێدرا و لە ٢٤ی تەممووزی ٢٠١٤ كۆتایی بە پۆستەكەی هات.