مەکتەبی سیاسی پارتی دیموکراتی کوردستان ڕوونکردنەوەیەک بڵاودەکاتەوە و هێرشبەرەکانی سەر بارەگای کۆمیتەی یەکێتی بە "گێرەشێوێن" ناودەبات.
لە ڕوونکردنەوەکەی مەکتەبی سیاسی پارتیدا هاتووە "ئێمە لە پارتی دیموکراتی کوردستان، ئیدانەی ئەوکارە دەکەین و داوایش لە دەزگا پەیوەندیدارەکان دەکەین بە زووترین کات ئەنجامدەرانی ئەو کارە گێرەشێوێنیە دەستگیربکەن".
دەقی ڕوونکردنەوەکە:
رونکردنەوەیەک لە مەکتەبی سیاسی پارتی دیموکراتی کوردستانەوە
بەداخەوە ئەمشەو ۲۹ـ ۱٠ـ ۲٠۱۷ ، هەندێک خەڵکی گێرەشێوێن هێرشیان کردە سەر بارەگای کۆمیتەی یەکێتی نیشتمانی کوردستان لە زاخۆ.
ئێمە لە پارتی دیموکراتی کوردستان، ئیدانەی ئەوکارە دەکەین و داوایش لە دەزگا پەیوەندیدارەکان دەکەین بە زووترین کات ئەنجامدەرانی ئەو کارە گێرەشێوێنیە دەستگیربکەن و ئیجرائاتی یاساییان لەگەڵدا بکەن، لەهەمان کاتدا داوا لەو دەزگایانە دەکەین وشیاربن لە پاراستنی بنکە و بارەگای سەرجەم حزبەکان و رێگا نەدەن گێرەشێوێن و خراپەکاران هەوڵی شێواندنی بارودۆخی کوردستان بدەن..
مەکتەبی سیاسی پارتی دیموکراتی کوردستان
۲۹ی۱٠ی ۲٠۱۷