نەجمەدین کەریم رەتیدەکاتەوە کوردستانی بەرەو ویلایەتە یەکگرتووەکانی ئەمریکا بەجێهێشتبێت و رایگەیاند "لە هەولێرم و کوردستانم بەجێ نەهێشتووە".
نەجمەدین کەریم ، پارێزگاری لەکارلادراوی کەرکووک بە "رووداو"ی راگەیاندوه "ئێستا لە پارێزگای هەولێرم و گەشتی ئەمریکام نەکردووە".
نەجمەدین کەریم وتیشی "ئاساییە کە بچمە ئەمریکا و بێمەوە وەک هەموو جارەکانی پێشوو، بەڵام ئیستا لە هەولێرم و کوردستانم بەجێ نەهێشتووە".
لەدوای 16ی ئۆکتۆبەر کە هێزەکانی حەشدی شەعبی و سوپای عێراق کەرکووکیان کۆنترۆڵکرد، نەجمەدین کەریم کەرکوکی بەجێهێشت و لە هەولێر نیشتەجێیە.
پێشتریش لە چاوپێکەوتنێکدا لەگەڵ ئاژانسی بلۆمبێرگی ئەمریکی وتبووی "ئێستا پلانی ئەوەم نییە بگەڕێمەوە بۆ کەرکووک، ئەگەر بگەڕێمەوە ژیانم دەکەوێتە مەترسییەوە".