سهرۆكی فراكسیۆنی پارتی دیموكراتی كوردستان له ئهنجومهنی نوێنهرانی عیراق رایدهگهیهنێت، هەرچەندە داوایان لێکراوە بگهڕێنهوه و بهشداری دانیشتنهكانی پهرلهمان بكهن، بهڵام هێشتا فراكسیۆنهكه بڕیاری نهداوه.
عهرهفات كهرهم، سهرۆكی فراكسیۆنی پارتی دیموكراتی كوردستان له ئهنجومهنی نوێنهرانی عیراق ڕایگەیاند "پێش چهند رۆژێك سهرۆكی ئهنجومهنی نوێنهران پهیوهندی پێوهكردوه و داوایكردوه بگهڕێنهوه و بهشداری دانیشتنهكانی پهرلهمان بکەن".
سهبارهت به مهرجی گهڕانهوهی فراكسیۆنهكهیان بۆ ئهنجومهنی نوێنهرانی عیراق، عهرهفات كهرهم دهڵێت "ئێمه جارێ هیچ بڕیارێكمان نهداوه و دیراسهی بابهتهكه دهكهین، له چهند رۆژی داهاتودا ههڵوێستی خۆمان یهكلایی دهكهینهوه".
جگه له فراكسیۆنی پارتی دیموكراتی كوردستان، سهرجهم فراكسیۆنهكانی دیكهی كوردستان بهشداری دانیشتنهكانی ئهنجومهنی نوێنهرانی عیراق دهكهن و لهئێستاشدا فراكسیۆنی پارتی دیموكراتی كوردستان بایكۆتی دانیشتنهكانی كردوه.