لەکاتی ناساندنی ئەلبومە نوێکەی، شەهرامی نازری گەورە گۆرانیبێژی ناسراوی کورد و جیهانی باسی رووداوی بوومەلەرزەکەی کرماشان دەکات و قوڕگی پڕدەبێت‌و دەگری.

شەوی ١٢ ی تشرینی دووەم بوومەلەرزەیەکی گەورە بە هێزی ٧،٢ ی رێختەر لە باشووری کوردستان و رۆژهەلآتی کوردستانی داو، تا ئێستا ئامارێکی تەواو لەسەر قوربانییەکان بلآونەکراوەتەوە، دەزگا حکومیەکانی ئێران باس لە گیان لەدەستدانی نزیکەی ٥٠٠ هاولآتی دەکەن، بەلآم ئەندام پەرلەمانە کوردەکانی پەرلەمانی ئێران باس لە ١٠٠٠ کەس دەکەن کە گیانیان لەدەستداوەو بەهەزاران خانوو رووخاون و بەدەیان هەزار کەس برینداربوون.