بە فەرمانی حەیدەر عەبادی، موچەی چەكدارانی حەشدی شەعبی زیاد دەكرێت و هاوتای موچەی سەربازانی سوپای عیراق دەكرێت.
ماڵپەڕی سۆمەرییە نیوز بڵاویكردۆتەوە، دوێنێ سەرۆك وەزیرانی عیراق فەرمانێكی تایبەتی دەركردووە بۆ هاوتاكردنی موچەو دەرماڵەی چەكدارانی حەشدی شەعبی لەگەڵ هێزەكانی سوپا.
فەرمانەكەی عەبادی، لەدوای ئەو رەخنانە دێت كە لەلایەن شیعەكانەوە لەناوبراو گیرابوو، بەهۆی دیارینەكردنی موچەی حەشدی شەعبی لە بودجەی گشتی ئەمساڵ و کەمیی ئەو پارەیەی كە وەك موچە دەدرێتە ئەو چەكدارانە.