ئەمیندارى گشتى وەزارەتى پێشمەرگە ڕایگەیاند، ئەو کۆگای چەک و تەقەمەنیانەی لە هەولێر و سلێمانى و دهۆک تەقیونەتەوە هەمووی سەربە وەزارەتی پێشمەرگە نییە، و سەربە هێزی لاوەکین.
جەبار یاوەر، ئەمیندارى گشتى وەزارەتى پێشمەرگە لە چاوپێکەوتنێکی تەلەفزیۆنیدا ڕایگەیاند، هیچ گرفتێک لە کۆگاکانی چەک و تەقەمەنی وەزارەتی پێشمەرگەدا نییە، چونکە لەسەر بنەمای زانستی دروستکراون.
هەروەها هۆکاری تەقینەوەی بەشێک لە کۆگاکانیشی بۆئەو ئەو چەک و تەقەمەنیانە گەڕاندەوە، کە وەکو دەستکەوت لایان بووەو بە شێوەیەکی نازانستی تێکەڵ بە چەک و تەقەمەنییەکانی وەزارەت کراوە.
ئەمیندارى گشتى وەزارەتى پێشمەرگە باسی لەوەشکرد، کە لەسەر تەقینەوەی ئەو کۆگایانە لیژنەیەک دروستکراوە بۆ بەدواداچوون و زانینی هۆکارەکانی.