بەرپرسێکی یەکگرتووی ئئیسلامی هۆکاری چاکنەکردنی پاشەکەوتی مووچە لەلایەن حکومەتی هەرێمەوە ئاشکرا دەبێت.
ئەبوبەكر هەڵەدنی ئەندام مەکتەبی سیاسی یەکگرتووی ئیسلامی سەبارەت بەو چاکنەکردنی مووچەی مووچەخۆرانی هەرێم ڕایگەیاند:" بەرای من پەیوەندی بە تێڕوانینی پارتی و یەكێتی هەیە، یەكەم پێیان وایە ئەم خەڵكە قبوڵیەتی، چونكە بەشێكی ئەم خەڵكە لە هەواداران و لایەنگرانی ئەم دوو حزبە پێیان وایە یەكێتی و پارتی چاكەیان بەسەر خەڵك هەیە نەوەك خەڵكی چاكەیان هەبێت بەسەر ئەو دوو حزبە " .
هەڵدەنی کە پەرلەمانتاری ئەم خوولەو خوولی نوێی پەرلەمانی کوردستانە دەشڵێت "هۆكاری دووەم ئەوەیە كە بەشێكی ئەم داهاتانەی كوردستان بۆ پیسخۆرانی دەستەڵاتدارانی كوردستان دەچێت ، پارەیەكی خەیاڵی لەلای دەستەڵاتدارانی حكومەتە لە لای بەرپرسانی حزبیە ، ئەم پارەیەش بۆ پرۆژەی حزبی بۆ پڕۆژەی شەخسی بنەماڵەیی بەكار دەهێندرێت ، ئەم پارانە لەوێدا خەرجدەكرێت ، بۆیە ئەوان ناتوانن دەستبەرداری ئەم ئۆڕگانە حزبیە جۆربەجۆرەبن".
یەکگرتووی ئیسلامی کوردستان هەفتەی رابردوو رایگەیاند ئەو دەبێت بە هێزێکی ئۆپۆزسیۆن لەناو پەرلەمانی کوردستاندا.