هاوپەیمانی نیشتیمانیی داوای پێدانی مۆڵەتی کاری حزبی لە
وەزارەتی ناوخۆ کردووە .
ماڵپەڕی
فەرمی هاوپەیمانی بڵاویکردووەتەوە "هاوپەیمانی بە فەرمی داوای مۆڵەتی لە
وەزارەتی ناوخۆی حکومەتی هەرێم کردووە و سەرجەم پێداویستیەکانیشی
پێسکەشکردووە".
هەر
بەگوێرەی هەواڵی ماڵپەڕی فەرمی ئەو حزبە "بەگوێرەی ڕێنماییەکانی وەزارەتی
ناوخۆ کارمان کردووە و ناوی پەنجا ئەندامی دامەزرێنەری حزبەکە و زیاتر لە ٥٠٠
هاودیدمان پێشکەشکردووە".
ئەمەش لە کاتێکدا دێت کەسانی نزیک لە بەرهەم ساڵح، دەیانەوێت
حزبەکە هەڵوەشێننەوە لە بەغدا و لە ئێستاشدا ئەو کۆمەڵەیەی کە هاوپەیمانی
نیشتیمانیان ڕاگەیاند دەیانەوێت مۆڵەت بۆ حزبەکە لە هەرێم وەربگرن.