فڕۆکەخانەی سلێمانی گەشتەکانی راگرت
کەمێک پێش ئێستا فڕۆکەخانەی سلێمانی گەشتە ئاسمانییەکانی راگرت.
دانا محەمەد بەرپرسی راگەیاندنی فڕۆکەخانەی سلێمانی بە سپی راگەیاند" گەشتەکان بەهۆی خراپی باری کەشوهەواو ئەو تەم و مژە زۆرەوە راگیراوە کە ئاسمانی سلێمانی گرتووەو مەودای بینی زۆر کەمکردۆتەوە".
بەرپرسی راگەیاندنی فڕۆکەخانە وتیشی" دوو گەشت بەهۆی خراپی باری کەشوهەواو تەمومژەوە دواکەوتووە ".
دانا محەمەد وتیشی " ماوەی راگرتنی گەشتە ئاسمانییەکان لە فڕۆکەخانەی سلێمانی پەیوەندی بە چاکبوون و ئاسایی بوونەوەی کەشوهەواوەیە".
ئەمشەو تەمومژێکی زۆر ئاسمانی سلێمانی و ناوچەکانی دەوری گرتووەو مەودای بینین کەمبۆتەوە.
PM:09:39:10/12/2018