بۆ جارێكی دووەم خوێندكارانی پۆلی 12ی ئامادەیی لەبەردەم بەڕێوەبەرایەتی پەروەردەی پشدەر دەستیان بە خۆپیشاندان كردەوە وداوا دەكەن وەزارەتی پەروەردە وەك تاقیكردنەوەكانی كۆتایی ساڵ، تاقیكردنەوەی وەرزیش 100% بكاتە هەڵبژاردن.
ئەو خوێندكارانە كە لەبەردەم بەڕێوەبەرایەتی پەروەردەی پشدەرخۆپیشاندان دەكەن ئاماژە بۆ ئەوە دەكەن لە ئێستادا بە 50 بە 50 شێوازی پرسیارە وەزیەكان دادەڕێژرێت واتە نیوەی پرسیارەكان بە شێوەی هەڵبژاردنە و داوا دەكەن تەواوی تاقیكردنەوە وەرزیەكان بكرێتە هەڵبژاردن.
هەفتەی رابردووش، قوتابیانی دەڤەری راپەڕین لەبەردەم هەریەك لە پەروەردەكانی پشدەر لە قەڵادزێ و راپەڕین لە رانیە، خۆپیشاندانی ناڕەزایەتییان رێكخست، ئەمڕۆش بۆ هەمان مەبەست لە قەڵادزێ گردبوونەتەوە.
ئەمیر حەسەن