ئه‌میر سۆفی لێپسراوی راگه‌یاندنی سه‌رۆكایه‌تی شاره‌وانی پێنجوێن بە ماڵپەڕی وشەی وتووە، نزم بوونه‌وه‌ی پله‌كانی گه‌رما و بارینی به‌فرێكی زۆر، وای كردووه‌ كه‌ ئه‌و رێگایه‌ی شارۆكه‌ی پێنجوێن به‌سه‌یرانگای بلكیانه‌وه‌ ده‌به‌ستێته‌وه‌ بیبه‌ستێت.

ڕوونیشی کردووەتەوە ئێسته‌ رۆژانه‌ ژماره‌یه‌كی زۆر له‌ دانیشتووانی پێنجوێن و هاووڵاتییان و گه‌شتیارانی ناوخۆیی و ده‌ره‌كی به‌ ئۆتۆمبێل سه‌ردانی سه‌یرانگای بكلیان ده‌كه‌ن، به‌ڵام له‌به‌ر ئه‌وه‌ی رێگای سه‌ره‌كی پێنجوێن و بلكیان به‌فری لێ باریوه‌ و به‌ستوویه‌تی، بۆیه‌ پێویسته‌ زۆر به‌وریاییه‌وه‌ سه‌ردانی بكرێت.

ڕاشیگەیاندووە "به‌ستنى رێگاكه‌ له‌ كاتێكدایه‌ كه‌ به‌رده‌وام له‌لایه‌ن تیمی كۆمپانیای گارێكس به‌سه‌رپه‌رشتی شاره‌وانی، خۆیی پێدا ده‌رژرێت، به‌مه‌ستی ئاسانكاری و هێشتا هه‌ر پێویسته‌ خه‌ڵك وریا بن".