لە نەخۆشخانەی گشتی بەعقوبە پزیشكێك بە چەقۆی نەشتەرگەریی هێرشدەكاتە سەر هاوڕێ پزیشكەكەی و رووخسارو ملو پشتی بریندار دەكات.
پزیشكە بریندارەكە ناوی مستەفا غەزبان زوینی-یەو بەوتەی خوشكەزایەكی بەهۆی ئەو هێرشەی پزیشكەكەوە مل و پشت و روخساری دوچاری برینێكی زۆر بووە و بەپەلە نەشتەرگەریی بۆ كراوە و نەشتەرگەرییەكەشی نزیكەی سێ كاتژمێری خایاندووە.
لەئێستادا تۆمەتبارەكە دەستگیركراوەو لەلایەن دادگاوە دۆسیە بۆ ئەو رووداوە كراوەتەوەو بەرەبەیانی ئەمڕۆ پێنجشەممە قوربانییەكە براوەتە بەردەم دادوەری لێكۆڵینەوە بۆ وەرگرتنی وتەكانی.