وابڕیارە ڕۆژى شەممەی داهاتوو هەردوو مەکتەبی سیاسیی پارتی و یەکێتى کۆببنەوە و تا ئێستا شوێنی کۆبوونەوەکە دیاری نەکراوە.
سەرچاوەیەکی سیاسی ئاگادار بە "سپی" ڕاگەیاند بڕیاروایە رۆژی شەممەی داهاتوو 2ی ئاداری 2019، كۆبوونەوەی هەردوو مەكتەبی سیاسی یەكێتی و پارتی لەبارەی پێكهێنانی حكومەتی داهاتووی هەرێم و پرسەکانی دانانی پارێزگاری کەرکوک و چەند پرسێکی دیکە بەڕێوەبچێت.
بەگوێرەی زانیاریەکان تائێستا شوێنی بەڕێوەچوونی كۆبوونەوەكەی نێوان یەكێتی و پارتی دیارینەكراوە و سبەی شوێنی کۆبوونەوەکە دیاری دەکرێت.
دوای پێنج مانگ لە بەڕێوەچونی هەڵبژاردن و چەندین کۆبوونەوە تا ئێستا یەکێتی و پارتی نەگەیشتونەتە ڕێککەوتن.