لە كۆنگرەیەكی رۆژنامەوانیدا سامی جەلال، بەڕێوەبەری گشتی دیوانی وەزارەتی ناوخۆی حكوومەتی هەرێمی كوردستان  رایگەیاند  لە ژێر پەردەی كۆمپانیایەكی گەشت وگوزار، ئەو باندە ڤیزای ساختەیان بە هاووڵاتیان فرۆشتووە و دەڵێت " بۆ هەر ڤیزایەك، باندەكە پانزە بۆ بیست هەزار دۆلاریان لە هاووڵاتیان سەندووە، بەبێ ئەوەی پەنجە مۆر و چاوپێكەوتن بكەن دەشڵێت وڵاتێكی دراوسێش تێوەگلاوە".

ئاشكراشیكرد: لە فڕۆكەخانەی نێودەوڵەتی هەولێر و خاڵی سنووری ئیبراهیم خەلیل، دەست بەسەر چەند ڤیزایەكی ساختەی توركیادا گیراوە و دواتر لێكۆڵینەوەیان كردووە و چەند كەسێكیان دەستگیر كردووە.

رونیشیكردۆتەوە كە باندەكە زیاتر هاووڵاتیانی خەڵكی سووریایان كردووەتە ئامانج و پێیان وتوون كە ڤیزای توركیایان بە فەرمی بۆ دابین دەكەن، بەڵام ڤیزاكان ساختە بوە.