ئەمڕۆ هیچ موچەیەک دابەشنەکرا

‌
بەهۆی نەگەیشتنی بڕە پرەی موچە لەبەغداوە دابه‌شكردنى مووچه‌ى مانگى ئابى وه‌زاره‌ت و فه‌رمانگه‌كانى هه‌رێمى كوردستان راگیرا.

سەرچاوەیەکی ئاگادار لە گەنجینە ئه‌مڕۆ پێنجشه‌ممه‌ بە سپی ڕاگەیاند لەلایەن وه‌زاره‌تى دارایى و ئابورى هه‌رێمى كوردستان فەرمانی خەرجکردنی مووچه‌ى هیچ وه‌زاره‌ت و فه‌رمانگه‌یه‌ك بۆ نەهاتووە و موچە دابەش نەکراوە.

ئەوەش لەکاتێکدایە دوێنێ سەرچاوەیەک لە لقی هەولێری بانكی ناوەندی عێراق بە سپی ڕاگەیاند "فەرمانی خەرجكردنی مووچەی فەرمانبەرانی هەرێمی كوردستان نەنێردراوە بۆ بانکەکەیان".

هەر بەگوێرەی زانیاریەکان پێناچێت ئەمڕۆش بڕە موچەی فەرمانبەرانی هەرێم لە بەغداوە بنێردرێت و دەكەوێتە سەرەتای هەفتەی داهاتوو.
 


PM:12:34:21/11/2019








ئەستێرەکان

Spee Media