بەهۆی بەردەوامی بۆردومانە چڕە ئاسمانی و زەمینیەكان بۆ سەر پارێزگای ئیدلیب لە باكوری سوریا، لەماوەی ٢٤ كاتژمێری رابردودا ٧٢ هاوڵاتی ئەو ناوچەیە كوژراون.
ئەمڕۆ هەینی لەڕاگەیەندراوێکدا روانگەی سوری بۆ مافەكانی مرۆڤ ڕایگەیاند" سوپای سوریا و فڕۆكە جەنگیەكانی روسیا هێرشێكی چڕیان بۆ سەر ناوچەكانی رۆژهەڵات و باشوری رۆژهەلاتی ئیدلب دەستپێكردووە، كە بە دەست گروپە توندڕەوەكانەوەن و بەو هۆیەشەوە ٧٢ کەس کوژراون".
دوێنێ پێنجشەممە فڕۆكە و هەلیكۆپتەرەكانی سەر بە سوپای سوریا زیاتر لە ١٠٠ هێرشی ئاسمانیان بۆ سەر ناوچە جیاوازەكانی پارێزگای ئیدلیب ئەنجامدا و لانیكەم ٣٦٠ هێرشی زەمینی-شی ئەنجاماداوە كە بەگوێرەی راگەیاندنەكانی سوریا گروپە چەكدارییەكانی ئیدلیب-یان بەئامانجگرتوە.