ئەمڕۆ لیژنەی دارایی په‌رله‌مانی كوردستان میوانداری وەزیرانی دارایی و ئابووری، شەهیدان و پێشمەرگە دەكات.
بەپێی زانیارییەکان، ئەمڕۆ دووشەممە ئاوات شێخ جەناب، وەزیری دارایی و ئابووری، لەگەڵ بەڕێوەبەری گشتیی خانەنشینیی هەرێمی کوردستان، بچنە پەرلەمانی کوردستان.
بەپێی زانیارییەکان، ئامانج لە میوانداریكردنی ئەو وەزیرانە، گفتووكردنە لەسەر پرۆژەیاسای چاكسازی كە ئێستا لەلای لیژنەكانی پەرلەمانە و لەبارەی وردەكاری پرۆژەكەوە گفتووگۆ لەگەڵ وەزیرەكان دەكەن.
پرۆژەی چاكسازی لەلایەن ئەنجومەنی وەزیرانەوە ڕەوانەی پەرلەمان كراوە، ئێستا لیژنەكان كاری لەسەر دەكەن، چاوەڕێدەكرێت سبەی ڕاپۆرتی لەسەر بنوسرێت و كۆتایی هەفتە خوێندنەوەی دووهەمی بۆ بكرێت دوای ئەوەی هەفتەی ڕابردوو خوێندنەوەی یەكەمی بۆ كرا.