دوای بڵاوبونەوەی ڤیدیۆیی جەلال تاڵەبانی سەرۆک کۆماری عێراق، لەشاری دەربەندیخان لایەنگیرانی یەکێتی چەکی ئار بی جی دەتەقێنن‌و بەر ماڵێک دەکەوێت.
ماڵپەری کوردیوی زمانحاڵی یەکگرتووی ئیسلامی بڵاویکردتەوە ئێوارەی ئەمرۆ دووشەممە 2014/4/28 لە قەزای دەربەندیخان تەقەیەكی زۆر كراو لە گەرەكی كانی تووی ئەو قەزایەش ئار بی جیەك تەقێندراو بەهۆیەوە بەرماڵێك كەوت جگە لە زیانێكی ماددی زۆر هیچ زیانێكی گیانی لێ نەكەوتەوە .
شاهێدحاڵێك بەو ماڵپەرەی راگەیاندوە " خۆم و چوار منداڵم لە كۆڵان بووین كاتێك ئار بی جیەك بەر ماڵێك كەوت و هەموو "خەڵكەكە تووشی شێواوی و دڵەراوكێیی بووین .
لەئێستدا لە ناوچەکانی ژێر دەستی یەکێتی بەهۆی بڵاوبونەوەی ڤیدیۆیی تاڵەبانی تەقەیەکی زۆر دەکرێت‌و تائێستاش 10 کەس بەو هۆیەوە برینداربوون.