قائیمقامی سلێمانی لەبەر رۆشنایی بڕیارەکانی وەزیری ناوخۆی هەرێم، رێوشوێنەکانی قەدەغەی هاتوچۆ توندتر دەکەنەوە.
لەراگەیەندراوێکی قائیمقامیەتی سلێمانی کەئەمشەو دەریکرد هاتووە " بەھۆی ھەستیاری دۆخەکەو زیادبونی حاڵەتەکانی کۆرۆنا لە ھەرێمی کوردستان ، لەبەر رۆشنایی بڕیارەنوێکانی حکومەتی ھەرێمی کوردستان رێکارەکانی قەدەغەکردنی ھاتووچۆ تەواو توندتر دەکرێنەوەو بەھیچ ھۆکارێک رێگە بەھاتووچۆی ئوتومبێل و پیادەڕەو نادرێت".
هەروەها هاتووە " ھێزە ئەمنییەکان راسپێردراون لەم رووە لێپرسینەوەی تەواو لەگەڵ ئەو کەسانەدا بکەن کە پابەند نابن ، بەھەموو لایەکی رادەگەیەنین بڕیارەکانی حکومەتی ھەرێم لە سبەینێ وە جێبەجێ دەکرێن و بەھۆی مەترسی بڵاوبوەنەوەو تەشەنەسەندنی کۆرۆنا بۆ ماوەی ٤٨ کاتژمێر رێگە بەھیچ جۆرە جموجوڵێک نادرێت".
قائیمقامەیەتی سلێمانی داوا لە ھاوڵاتیانی سلێمانی دەکات بۆ سەلامەتی خۆیان و خێزانەکانیان و تەندروستی گشتی لە ماڵەکانیان نەیەنەدەر و بەتەواوی پابەندی رێنماییە تەندروستیەکان بن.