دهۆک .. کاتی قەدەغەکردنی هاتوچۆ کەمکرایەوە

‌
لە دهۆک ژوری ئۆپەراسیۆنەکانی پارێزگاکە رایگەیاند " لەسەر فەرمانی وەزارەتی ناخۆی هەرێمی کوردستان،ماوەی قەدەغەی هاتوچۆ کاتژمێرێک کەمکراوەتەوە و لەسەر ئەو بنەمایەش ئەوانەی خاوەنکارن دەتوانن کاتژمێرێک زیاتر لەسەر کارەکانیان بمێننەوە".
 
لە راگەیاندراوێکدا ژوری ئۆپەراسیۆنەکانی پارێزگای دهۆک ئاماژە بۆ ئەوە دەکات لەسەر فەرمانی وەزارەتی ناخۆی هەرێمی کوردستان ماوەی قەدەغەی هاتوچۆ لە کاتژمێر ٧ی  ئێوارە بۆ ١٢ ی شەو دیاریکراوە، لەسەر ئەو بنەمایەش ئەوانەی خاوەنکارن دەتوانن بە گوێرەی رێنماییەکان رۆژانە کاتژمێرێک زیاتر لەسەر کار بمێننەوە.


"خاوەنکارەکان پێویستە لە چوارچێوەی پەیڕەوکردنی رێنماییەکانی خۆپارێزی کاربکەن، کە لەلایەن ژوری ئۆپەراسیۆنەکانی پارێزگای دهۆک و وەزارەتی تەندروستی دیاریکراوە".( وەک ژووری ئۆپراسیۆنەکان ئاماژەی بۆ دەکەن).


وه‌زاره‌تی ناوخۆی حكومه‌تی هه‌رێمی كوردستان رایگەیاند، بڕیاری قه‌ده‌غه‌ی هاتوچۆ له‌ ئەمڕۆ شه‌ممه‌وه‌ تا 10ی ئایاری 2020 درێژده‌كرێته‌وه‌ و ماوەی قەدەغەی هاتوچۆی گشتگیر لە کاتژمێر 7:00ی ئێوارە بۆ 12:00ی شەو دیاریکراوە.
 


AM:09:29:02/05/2020








ئەستێرەکان

Spee Media