وەزارەتی ناوخۆ بڕیارێک لە قازانجی هاوڵاتیان دەدات

‌
وه‌زاره‌تی ناوخۆی هه‌رێمی كوردستان، لە سه‌رجه‌م ئه‌و ئۆتۆمبێلانه‌ی تۆماری یه‌كه‌مجارن، یان ساڵانه‌كانیان به‌سه‌رچووه‌، ئه‌و شۆفێرانەشی ماوه‌ی كارپێكردنی مۆڵه‌ته‌كانیان له‌ كاتی كه‌ره‌نتینه‌دا به‌هۆی بڵاوبوونه‌وه‌ی ڤایرۆسی كۆرۆناوه‌، كۆتایی هاتووه‌‌، سزای دواكه‌وتن نایانگرێته‌وه‌.


لە لێدوانێکی رۆژنامەوانی، ئه‌مڕۆ دوو شه‌ممه‌، باقی سابیر، لێپرسراوی هۆبه‌ی ووردبینی له‌ به‌ڕێوه‌به‌رایه‌تی هاتوچۆی سلێمانی، راگه‌یاند‌ "هه‌موو ئه‌و ئۆتۆمبێلانه‌ی تۆماری یه‌كه‌مجارن ‌و كه‌وتوونه‌ته‌ چوارچێوه‌ی سزای دواكه‌وتن یاخود ئه‌و كه‌سانه‌ی ساڵانه‌ یان مۆڵه‌ته‌كانیان له‌ ماوه‌ی كه‌ره‌نتینه‌دا به‌سه‌رچووه‌، له‌ ماوه‌ی یه‌كه‌م هه‌فته‌ی ده‌ستپێكردنه‌وه‌ی ده‌وامی فه‌رمی هاتوچۆ، به‌پێی راگه‌یه‌ندراوی ژماره‌ ١٣ ی وه‌زاره‌تی ناوخۆ، سزای دواكه‌وتن نایانگرێته‌وه‌".


لێپرسراوی هۆبه‌ی ووردبینی له‌ به‌ڕێوه‌به‌رایه‌تی هاتوچۆی سلێمانی، ئاماژە بۆ ئەوەش دەکات، کەئەوان له‌ ئێستادا چاوه‌ڕوانی رێنمایی نوێی وه‌زاره‌تی ناوخۆن به‌ مه‌به‌ستی دیاریكردنی واده‌یه‌ك بۆ سه‌رجه‌م ئه‌و ئۆتۆمبێل ‌و كه‌سانه‌ی كه‌ سزای دواكه‌وتنی تۆماری یه‌كه‌مجار یان به‌سه‌رچوونی ساڵانه‌ ‌و مۆڵه‌تی شۆفێرییان له‌سه‌ره‌.
 


PM:02:13:11/05/2020








ئەستێرەکان

Spee Media