وەزارەتی تەندروستی هەرێم رایگەیاند" لە پارێزگای دهۆک چوار حاڵەتی نوێی تووشبووی کۆرۆنا تۆمار کرا".
لە ڕاگەیەندراوێکدا وەزارەتی تەندروستی حکومەتی هەرێمی کوردستان ڕایگەیاند" لە بەردەوامی پشکنینەکان و گەڕان بەدوای گومانلێکراوان و تووشبووان، چوار تووشبووی دیکەی ڤایرۆسی کۆڕۆنای نوێ COVID-19 لە پارێزگای دھۆك دەستنیشانکران، دوو پیاو تەمەن ٤٢ و ٢٢ ساڵ و دوو ئافرەت تەمەن ٦٠ و ٣١ ساڵ".
ڕاشیگەیاند" تووشبوێکیان یەکەم پیشەی پاسەوانە لە پارێزگای بەغداد گەڕایتەوە و بەرکەوتووی تووشبووی پێشووە و دانێشتووی قەزای سێمێلە".
تەندروستی هەرێم ئاشکراشیکرد: تووشبووی دووەم شوفێری بارهەڵگرە دانیشتووی باشیک کە لە خالی پشکنین نموونەی پشکنینی تاقیگەی لێوەرگیراوە و پۆزەتیڤ دەرچووە، هاوکات دوو ئافرەتە تووشبووەکەی تر لە خانەوادەی تووشبووەکەی دوێنێی پارێزگای دھۆکن و کە یەکیان دانیشتووی قەزای سێمێلە و ئەوەی دیکەیان دانیشتووی ناو شاری دھۆکە.