پارێزگاری هەولێر ڕایدەگەیەنێت" لەمەودوا پشکنین لەسەرجەم بازگەكان دادەنرێت و هاوڵاتیان بە پارەیەك كە لە ٥٠ هەزار زیاتر نابێت دەتوانن بێنە هەولێر".
لە کۆنگرەیەکی رۆژنامەوانیدا فرسهت سۆفی پارێزگاری هەولێر رایگەیاند" لەمەودوا پشکنین لە بازگەکانی هەولێر دادەنێن و هاوڵاتیان دەتوانن بەو پشکنینە بێنە هەولێر و سهردانی ئهو شاره بكهن".
وتیشی" لە سەرەتای هەفتەی داهاتوەوە هاوڵاتیانی پارێزگاکانی دیکە دەتوانن سەردانی هەولێر بکەن، بە مەرجێک پشکنینی کۆرۆنا لە بازگەکان ئەنجام بدەن و بۆ هەر پشکنینێک بڕی ٥٠ هەزار دینار له هاوڵاتیان وهردهگیرێت".
گرتنەبەری ئەم میکانیزمەش، وەک پارێزگاری هەولێر دەڵێت" بۆ ئەوەیە جووڵەی ئابووری و بازرگانی لە هەولێر نەوەستێت، چونکە داخستنی سنوور لەگەڵ شارەکانی دیکەی عیراق، کاریگەریی لەسەر ئابووریی شارەکە دروستبووە".