ئەمڕۆ پێنج شەممە ئالان حەمە سەعید وەزیری پەروەردەی حکومەتی هەرێمی کوردستان راگەیەنراوێکی لەبارەی مامۆستا کەلەپچەکراوەکەی کەرکووک لە نەخۆشخانە بڵاوکردەوە و دەڵێت" لەسەر رووداوی ئەو مامۆستا كوردەی بە كەلەبچە كراوی بە‌بێدێكی نە‌خۆشخانە‌وە‌یە و خێزانەكەی بە كۆرۆنا گیانی لەدەستدا لەگەڵ وەزیری پەروەردەی عیراق قسەیان كردوە و بابە‌تە‌كە‌ش گە‌یانراوەتە وەزیری تە‌ندروستی عیراق". وەزیری پەروەردەی هەرێم دەشڵێت" بە‌دوای ئەم کەیسەدا دەچم و دە‌ست بە‌رداری نابم، ھە‌موو پشتیوانییە‌كی ماددی و مە‌عنە‌ویشم بۆ مامۆستا محەمەد و ماڵباتەکەی دە‌ربڕیووە".
دەقی راگەیەنراوەکەی وەزیری پەروەردە:
ڕاگە‌یە‌ندراوێك لە وەزیری پەروەردەی حكومە‌تی ھە‌رێمی كوردستانە‌وە:
پاش ئە‌وە‌ی ڕۆژی ١٣ی٧ ڤیدیۆیە‌كی ناخ ھە‌ژێن دور لەهەمو بەهایەکی مرۆڤایەتی لە سۆشیال میدیا بڵاوكرایە‌وە كە تیایدا مامۆستایە‌كی میلاكی وە‌زارە‌تمان( خوێندنی کوردی ) لە پارێزگای كەركوك بە كە‌لە‌پچە‌كراوی بە بێدێكی نە‌خۆشخانە‌وە‌یە و لە کاتێکدا خێزانەكەی بە‌ناوی (منی) بە ڤایرۆسی كۆرۆنا كۆچی دوایی كرد ، پرسە و سەرەخۆشیمان هەیە بۆ بەڕێز مامۆستا محمد و خانەوادەی کۆچکردو ( منی ) خان ، بە پێویستی دە‌زانم بە ھە‌مولایە‌كی ڕابگە‌یە‌نم:
۱ـ وە‌ك وەزیری پەروەردە یە‌كە‌م كە‌س بوم ھە‌مان شە‌و خاوە‌ندارێتی ئەم كە‌یسە‌م گرتە ئە‌ستۆ. لەگەڵ بەڕێز وەزیری پەروەردەی حكومە‌تی فیدرال قسە‌م كرد و داوای تە‌داخولی خێرام لێكرد لە ڕێگای وەزارەتی تە‌ندروستی حكومە‌تی عێراقی فیدراڵەوە .
سوپاسیان دە‌كە‌م بە تایبە‌ت بەڕێز ( علی حمید ) وەزیری پەروەردەی عێراق كە تا ئێستا (۳) جار پە‌یوە‌ندی تە‌لە‌فۆنیمان ئە‌نجام داوە پێكە‌وە و ھاوكار بوە و بابە‌تە‌كە‌ی گە‌یاند بە بەڕێز وەزیری تە‌ندروستی عێراقی فیدرال و بریاری بەدواداچونی جدییان داوە.
۲- بە‌دوای ئەم کەیسەدا دەچم و دە‌ست بە‌رداری نابم، ھە‌مو پشتیوانییە‌كی ماددی و مە‌عنە‌ویشم بۆ بەڕێز مامۆستا محمد و خانە‌وادە‌كە‌ی دە‌ربڕیوە. ئامادە‌یم دە‌ربڕیوە وە‌ك وەزیری پەروەردە بریكارە یاساییەکانم ڕابسپێرم هاوکاری بن لە روی یاساییەوە. ئە‌گە‌ر مامۆستا محمد یش داوای یاسایی تۆماربكات ھە‌مو پاڵپشتیە‌كی دە‌كە‌م و ئە‌وە‌ی پێویست بێت لەهەمو رویەکەوە بۆی ئە‌نجام دە‌دە‌م.
۳- بە مامۆستا محمد و خانە‌وادە‌كە‌ی دە‌ڵێم كە لە پێبژاردنی ئەو ئامێرە‌ی زیانی پێگە‌یشتوە ئە‌وان تە‌نھا نین و تە‌حە‌مولی ئەو پێبژاردنە بەڕێز كاك مسرور بارزانی بە‌شە‌خسی دە‌یكات.
ئالان حمە‌سعید صالح
وەزیری پەروەردە
٢٠٢٠/٧/١٦