کەسایەتی دیاری ئاینی، مەلا مەزهەر کە زۆر کات لێدوانەکانی هەرا دەنێتەوە، لەبارەی پێدانی ١٠ ملیۆن دینارەوە بۆ هاوسەرگیری دووەم دەڵێت " بڕیارەکەی بانکی رەشید دەرمانی هەموو ئەو دەردانەیە کە کچانی قـەیـرە و ژنانی بێوەژن هـەیانـە".
مەلا مەزهەر کە سایەتی دیاری ئاینی لە بارەی بڕیارەکەی بانکی رەشیدەوە دەشڵێت " داوا لەو کەسانە دەکەم کە ئافرەتی قەیرە و بێوەژنن، پشتگیری لە بڕیاری ئەو بانکە بکەن و بە گرنگییەوە لێی بڕوانن".
هەروەها دەشڵێت " بڕیارێکی زۆر ژیرانە و راستە، چونکە بەشێکی زۆر لە بێوەژن و قەیرانەکان رزگاریان دەبێت لە تەنیایی و، لەبەرئەوە ئەو بڕیارە دەرمانی هەموو ئەو دەردانەیە کە کچانی قەیرە و ژنانی بێوەژن هەیان".
بانکی رەشید لە بەغدا بڕیاری دەرکرد بە پێدانی ١٠ ملیۆن دیناری بەژن و پیاو کە دەیانەوێت هاوسەری دووەمی پێبهێنن، ئەوە لە کاتێکدایە لە هەرێمی کوردستان بە پێچەوانەی بەغداوە فرەژنی قەدەغەیە، لە حاڵەتی زۆر کەمی تایبەتدا نەبێت.