لە عێراق لەماوەی ٢٤ کاتژمێری  رابردوودا  زیاتر لە ٣ هەزار هاووڵاتی لەسەرانسەری عیراق تووشی كۆرۆنابوون و ٤٨ تووشبووش گیانیان لەدەستداوە.

 
وەزارەتی تەندروستی وژینگەی حكومەتی عیراق رایگەیاندوە:" لەماوەی ٢٤ کاتژمێری رابردوودا ٣ هەزارو ٧٨٥ هاوولاتی تووشی كۆرۆنابوون".
هەروەها هاتووە " ٣ هەزارو  ٣٦٢ تووشبووی تریش چاكبوونەتەوە".


وەزارەتی تەندروستی ئەوەشی خستەڕوو کە 48 تووشبووش گیانیان لەدەستداوە".

تاكو ئێستا لە عێراق 445 هەزار و 949 كەس توشی كۆرۆنا بون، لەو ژمارەیەش 375 هەزار و 188 كەس چاكبونەتەوە و 10 هەزار و 513 هاوڵاتیش گیانیان لەدەستداوە.