ئەنجومەنی پارێزگای کەرکوک داوای هاتنی و پاراستن شارەکەیان دەکەن لەلایەن هێزی پێشمەرگەوە، لەتکریتیش بارو دۆخی نائاسایی راگەیەنراوە.
کەرکوک بۆ بەرگرتن لەهێرشی داعش داوای هێزی پێشمەرگە دەکەن، هاوکات بەپێی هەواڵێکی ماڵپەری شەفەق نیوز هێزەکانی پێشمەرگەو سوپا و فرۆکەوانی سوپا لەنێوان ناوچەکانی سنوری پارێزگای موسڵ و کەرکوک خەریکی کێوماڵکردنی ناوچەکەن.
لەشاری تکریتیش بارودۆخی بەتەواوی نا ئاسییە، دائیرەکان چۆڵکراون و هێزێکی زۆری سەربازی بەناو شارەکەدا بڵاوکراوەتەوە هەروەها داوا لەهاوڵاتیان کراوە کە لە ماڵەکانیاندا بمێننەوە، هاوکاتیش شاری بێجیش کە شوێنێکی ستراتیژی عێراقەو جێگای پاڵاوتنە گەوەرەکانی عێراقە هەمان باری نائاسایی تکریتی هەیە.