وەزیری پەروەردە لە بارەی کردنەوەی قوتابخانەکانەوە هەڵوێستی خۆی راگەیاند

‌
لە بارەی کردنەوەی دەرگا قوتابخانەکانەوە، وەزیری پەروەردەی حکومەتی هەریمی کوردستان هەڵوێستی خۆی راگەیاندو وتی " ناکرێت ڕیسک بە ژیانی قوتابیان و مامۆستایانەوە بکەن و دەرگای ناوەندەکانی خوێندن بکەنەوە".


  
لە لێدوانێکی رۆژنامەوانیدا، ئالان حەمەسەعید، وەزیری پەروەردەی حکومەتی هەرێمی کوردستان، رایگەیاند، "ئەگەر دۆخەکە پێویست بکات بەدڵنیاییەوە بڕیار لەوە دەدرێت قوتابخانەکان نەکرێتەوە لەسەر بنەمای هەڵسەنگاندنی تەندروستی، دواتر لیژنەی باڵای ڕوبەڕوبونەوەی کۆرۆنا بڕیاری لەبارەیەوە دەدات".  


  
وەزیری پەروەردە وتیشی "لەئێستادا خەریکی چاودێریکردنی ئەو کۆرۆنا نوێیەین کە باس دەکرێت، تاوەکو بزانین تا چەند کاریگەی لەسەر قوتابخانەکان هەیە، ناکرێت ئێمە ڕیسک بە ژیانی قوتابیان و مامۆستایانەوە بکەین و دەرگای ناوەندەکانی خوێندن بکەینەوەو حاڵەتی نەخوزاراو ڕوبدات و جارێکی دیکە ناچاربین بە داخستنەوەی دەرگای قوتابخانەکان".  


  

وەزارەتی پەروەردە، چاوەڕوانی هەڵسەنگاندنی دۆخی تەندروستی دەکەن و دواتر لیژنەی باڵای ڕوبەڕوبونەوەی کۆرۆنا بریار دەدات، ئەگەر بڕیاری دەستپێکردنەوەی بەشێک درا ئەوا بەرنامەی خۆیان دەبێت ئەگەریش بەشێوەیەکی جوزئی یان بۆ چەند قۆناغێک یان بەشێوەی تەناوب بکرێتەوە ئەوکات پلانی خۆیان بۆ رزگارکردنی خوێندن دادەنێین.( وەزیری پەروەردە رایگەیاند).
 


PM:12:05:29/12/2020








ئەستێرەکان

Spee Media