پێشكەشكاری دیاری كورد، ئەڤین ئاسۆ لەنوێترین دەركەوتنیدا بە جلوبەرگێكی جیاواز دەردەكەوێت بەمەش سەرنجی لایەنگرانی بۆ لای خۆی رادەكێشێت.

ئەڤین ئاسۆ لە پەیجی تایبەتی خۆی لە تۆڕی كۆمەڵایەتی فەیسبوك نوسیویەتی: ڕێگای‌ سه‌ركه‌وتن گوڵڕێژ نه‌كراوه‌، گرنگ ئه‌وه‌یه‌ خاوه‌نی‌ ئه‌و ئیراده‌یه‌ بیت كه‌ به‌پێوه‌ بتهێڵێته‌وه ‌و به‌ربه‌سته‌كان بكه‌یته‌ كاڵایه‌ك ‌و به‌به‌ری‌ سه‌ركه‌وتندا بیاندورێت.
ئەڤین لە ساڵی ١٩٨٦ لە گەڕەکی دەرگەزێنی شاری سلێمانی لەدایکبووە، لە خوێندنگەی سورکێو کە تێیدا خوێندکار بووە کاری شانۆیی کردووە.

سەرەتا یەکەمین ئەزموونی پێشکەشکردنی لە ڕادیۆ و تەلەڤزیۆنی «پارێزگاران»ی پارتی پارێزگارانی کوردستانەوە دەست پێکرد، پاشان چووەتە ڕادیۆی نەوا و بۆ ماوەی زیاتر لە ساڵێک پێشکەشکاری سەرەکیی بەرنامەی «سروەی نەوا» و بەرپرسی هاماهەنگیی بەرنامەکانی ئەو ڕادیۆیە بوو.

دواتر دەچێتە کۆمپانیای ئارت، لە ڕێی کارەکانی ئەو کۆمپانیایە و دواتریش کەناڵ ٤ و بەرنامەکەی «ئەڤین ژن و ژیان»ەوە ناوبانگێکی زۆری پەیداکرد. ئەو بەرنامانەی تاکوو ئێستا کار و پێشکەشکاری تێدا کردوون بریتین لە (میڤان شۆ، چەرخ و فەلەک، من جیاوازم، تۆ نموونەی، ملیۆنێر، ئارامۆ شۆ و ئەڤین ژن و ژیان)، تا ئێستا لە ھەریەکە لە کەناڵە ئاسمانییەکانی (زاگرۆس تیڤی، کۆڕەک، كەناڵ ٤، کوردماکس و نێت تیڤی) کاری کردووە