ڕۆژهەڵاتی کوردستان.. لە ماوەی مانگی ڕابردوودا نزیکەی ١٦ کۆڵبەر بەتەقەی هێزە ئەمنییەکان بوونەتە قوربانی
لەماوەی مانگی ڕابردوو لانیکەم ١٦ کۆڵبەر و کاسبکار لە سنوورەکانی کوردستان کوژراون و بریندار بوون.
بەپێی ئامارێکی ڕێکخراوی مافی مرۆڤی هەنگاو، لە ماوەی مانگی ڕابردوودا لانیکەم ١٦ کۆڵبەر لە سنوورەکانی کوردستان کوژراون و بریندار کراون کە ٥٦٪ی ئەو حاڵەتانە بە تەقەی ڕاستەوخۆی هێزە ئەمنییەکانی ئێران بووە.
بە پێی ئەم ڕاپۆرتە، لەو ماووەیەدا ٧ کۆڵبەر و کاسبکار کوژراون و ٩ کۆڵبەریش بریندار بوون، زۆرترین ژمارەی کوژران و بریندار لە پارێزگاکانی سنە تۆمار کراوە کە ١٠ حاڵەت بووە.
چۆنێتی کوژران یان بریندار بوون:
تەقەی ڕاستەوخۆ : ٩ حاڵەت (٣ کوژراو و ٦ بریندار) کە دەکاتە ٥٦٪ ی کۆی حاڵەتەکان.
ڕووداوی سروشتی: ٧ حاڵەت (٤ کوژراو و ٣ بریندار) کە دەکاتەن ٤٤٪ی کۆی حاڵەتەکان
جیاکردنەوە بە پێی پارێزگاکان:
پارێزگای ئورمیە: ٤ حاڵەت ( ٤ کوژراو).
پارێزگای سنە: ١٠ حاڵەت ( ٣ کوژراو و ٧ بریندار ).
پارێزگای کرماشان: ٢ حاڵەت ( ٢ بریندار )
PM:02:38:02/03/2021