ئەوەش لەکاتێکدایە، لە چەند ڕۆژی ڕابردوودا، دینا لە ڕوونکردنەوەیەکدا ڕەتیکردەوە، هیچ کەس و لایەنێک گۆرانییەکەیان سڕیبێتەوە و ڕایگەیاند" بەرهەمی کەتانە لەلایەن هیچ کەس، یان بەهۆی هیچ بابەتێکەوە نەوەستێندراوە، بەڵکو هۆکاری سڕینەوەی لە یوتیوب کێشەیەکی تەکنیکی بووە و خۆمان بەرپرسین و بە زووترین کات دێتەوە بەر دیدی هەواداران".

بەهۆى پێشێلکردنى مافى کۆپیرایت و  مافى هونەرى هونەرمەندى نەمر (حەسەن زیرەک)، کلیپى (کەتانە)ى هونەرمەند (دینا) لە یوتیوب سڕایەوە لەبەر ئەم هۆکارانەى خوارەوە:  

- لەم کلیپە ئاماژە بە ناوی خاوەنی ڕاستەقینەى بەرهەمەکە نەکراوە کە هونەرمەندی نەمر حەسەن زیرەکە.   

- ڕێگەپێدان لە بنەماڵەى هونەرمەند (حەسەن زیرەک) وەرنەگیراوە بۆ گووتنەوەى گۆرانییەکە.   

- ئاواز و گوتنی گۆرانیەکە لەم کلیپە و لەلایەن هونەرمەندی ناوبراو بە کار هاتووە بەبێ ڕەچاوکردنى یاساکانی کۆپیڕایت لەبوارى هونەریدا.   

کۆمپانیاى (هێڵى دەنگ)، گرێبەستى فەرمى لەگەڵ بنەماڵەى هونەرمەند (حەسەن زیرەک) هەیە و  تاکە کۆپیرایت هەڵگر (Copyright Holder)ى تەواوى بەرهەمەکانى هونەرمەندەکەیە. بۆیە دواى داواکردنى سڕینەوەى کلیپەکە لەلایەن بنەماڵەى هونەرمەند و پێشێلکردنى یاسانی کۆپیڕایت، بە ناچاری کلیپەکەمان لە (یوتیوب)دا سڕییەوە.  

- کۆمپانیاى هێڵى دەنگ.  

٣ى ئابى 2021.