بەیانی ئەمڕۆ یەکشەممە ١٠ی تشرینی یەکەمی ٢٠٢١ لە سەرتاسەری پارێزگاکانی عێراق و هەرێمی کوردستان پڕۆسەی دەنگدانی گشتی دەستیپێکرد و تائێستاش پرۆسەکە بەردەوامی هەیە، بەڵام ڕێژەی بەشداری کردنی دەنگدەران لە بەغدا و ناوەڕاستی باشووری عێراق زۆر کەمە.
بەپێی ئەو هەواڵانەی لە ئاژانس و میدیا عێراق-ێکان ڕاگەیەندراوە، ژمارەی دەنگدەران لەسەرجەم ناوەندەکانی دەنگدان لە ناوەڕاست و باشوری عێراق زۆر لاوازە.
لە كاتژمێر ٧:٠٠ی بەیانی ئەمڕۆ لە عێراق و ھەرێمی كوردستان دەرگای ناوەندەكانی دەنگدان بۆ بەڕێوەچوونی پرۆسەی دەنگدانی گشتی لە هەڵبژاردنەكانی پێشوەختەدا، كرانەوە، بڕیارە پرۆسەكە تا كاتژمێر ٦:٠٠ ئێوارە بەردەوام بێت.
٢٣ ملیۆن و ٩٨٦ هەزار و ٧٤١ دەنگدەر مافی دەنگدانیان هەیە، هاوکات سێ هەزار و ٢٢٦ کاندیدیش کێبڕکێ بۆ بەدەستهێنانی ٣٢٩ کورسی پەرلەمانی عێراق دەکەن.