ئەمشەو لە کاتژمێر ١١ دا چەکدارانی داعش لە سنوری ناوچەی پردێ بە دیاریکراوی لە سەرگەلی قەرە سالم هێرشیان کردە سەر سەنگەرەکانی پێشمەرگە و قوربانی هەیە.

بەپێی زانیارییە سەرەتاییەکان دوو پێشمەرگە لەو هێرشەی داعشدا شەهیدبوون، یەکێکیان پلەی نەقیبە بەناوی ( مەسعود تەلعەت ) دووەمیشیان پێشمەرگەیە بەناوی ( ئەحمەد لەتیف ).

لەو هێرشەدا جگە لەو دوو شەهیدەدا، دوو پێشمەرگەش بریندار بوون.

ئەمە چوارەم هێرشە لە ماوەی دوو هەفتەدا دەکرێتە سەر هێزەکانی پێشمەرگە لە ناوچەکانی گەرمیان و کەرکوک و هەولێر.