ئەمڕۆ
١٤ی نیسان ٣٤ ساڵ بەسەر کارەساتی ئەنفال دا تێپەڕ دەبێت لە ئەمڕۆ وە بۆ ماوەی
چەندین ڕۆژ لە چەمچەماڵ مەراسیم و چالاکی جیاواز بەڕێوە دەچێت.
وا
بڕیارە ئەمڕۆ پێنجشەممە ١٤ی نیسان، لە شاری چەمچەماڵ بەبۆنەی تێپەڕبونی ٣٤ ساڵ بەسەر
یادی ئەنفالدا لە مۆنۆمێنتی ئەنفال بە کردنەوەی پێشەنگای وێنەکێشان و فۆتۆگرافی چەند
چالاکییەکی دیکە بەڕێوەبچن.
شەوی رابردووش بە داگیرساندنی ٣٤مەشخەڵ سەنتەری
چالاکی گەنجان و مۆنۆمێنتی چەمچەماڵ یادەکەیان بەرز راگرت.
لەماوەی
ڕابردووشدا کەسوکاری ئەنفالکراوان رایانگەیاندبو بەهۆی نیگەرانیان لە دۆخی ژیانیان
و نەبونی خزمەتگوزاری بڕیاریانداوە ئەمساڵ یادەکە بایکۆت بکەن.
ئەمەش
لەکاتێکدایە ٣٤ ساڵ لەمەوبەر، لەساڵی ١٩٨٩، رژێمی پێشوی بەعس بە شەش قۆناغ دەستی بە
پرۆسەی ئەنفالکرد، کەبەهۆیەوە زیاتر لە (١٨٢٠٠٠ ) کەس ئەنفالکران، تائێستا
ئێسک و پروسکی بەشێک لە ئەنفالکراوان نادیارن، و حکومەتی عێرایش قەرەبوی
کەسوکاری ئەنفال کراوانی نەکردووەتەوە.