دوای شكانی، بۆری ئاوی دوكان-سلێمانی ئەمڕۆ دوای
٤٠ کاتژمێر تواندرا چاک بکرێتەووە و دابەشكردنی ئاو لەو گەڕەكانەی لەو هێڵەوە ئاویان
بۆ دەچێت دەستپێدەكاتەوە.
ئەمڕۆ یەکشەممە ٥ی حوزەیرانی بەڕێوەبەرایەتی
ئاوی سلێمانی لە ڕاگەیانراوێكدا بڵاویكردەوە، دوای ئەوەی شەوی ۲/٦/٢٠٢٢ بەهۆی كێشەی
كارەبا بۆری سەرەكی ئاوی دوكان سلێمانی هێڵی یەك شكا، دەست بەجێ بەسەرپەرشتی راستەوخۆی
بەڕێوەبەرو لێپرسراوی بەشەكانی دابەشكردن و چاكسازی تۆڕەكانی ئاو و لێپرسراوی وێستگەی
دوكانی یەك و گەنجینە وتیمێكی پسپۆڕ لە كارمەندان ، توانرا لەماوەی ٤٠ كاتژمێردا كێشەكە چارەسەر بكرێت.
ئەوەش هاتووە، لە ئەمڕۆ وە ئاو گەیشتۆتە پڕۆژەكە
و دابەشكردنی ئاو لەو گەڕەكەنەی ئاو لەوهێڵە وەردەگرن بەپێی بەرنامەیەك دەستپێدەكاتەوە.