بەڕێوەبەرایەتی كەشناسی و بومەلەرزەزانی ڕایگەیاند، پێشبینی دەکرێت، ئەمشەو شەپۆلێكی خۆڵبارین بەشێكی هەرێمی كوردستان بگرێتەوە و كاریگەری
شەپۆلەكە تا رۆژی یەكشەممە بەردەوام دەبێت.
ئەمڕۆ هەینی ١ی تەمووز، ئاسۆ كەمال، بەڕێوەبەری
كەشناسی و بومەلەرزەزانی سلێمانی لە لێدوانێكی ڕۆژنامەوانیدا ڕایگەیاند، ئەمشەو شەپۆلێكی
خۆڵبارین هەرێمی كوردستان دەگرێتەوە، بەڵام چڕ نابێت و شەپۆلەكە تا رۆژی یەكشەممە
بەردەوام دەبێت.
باسی ئەوەشی کردووە، لە سنوری پارێزگای سلێمانی شەپۆلەكە كاریگەریەكی
ئەوتۆی لەسەر نابێت، بەڵام بەچڕی خۆڵبارینەكە زیاتر لەسەر ناوەراست و باشوری عێراق
و ئیدارەی گەرمیان و بەشێكی پارێزگای كەركوك دەبێت .