بڕیارە سبەی چوارشەممە بەشێك لە هاوڵاتیان و چالاكوانانی پێنجوێن دژی كەمبونەوەی كاتژمێرەكانی كارەبای نیشتمانی لە 24 كاتژمێرەوە بۆ 20 كاتژمێر گردبونەوەی ناڕەزایی ئەنجام بدەن.
بەشێك لە چالاكوانانی پێنجوێن لە راگەیەنراوێكدا رایانگەیاندووە، بەهۆی كەمبوونەوەی كاتژمێرەكانی كارەبا و نەبوونی سووتەمەنییەوە، سبەینێ خۆپیشاندان ساز دەكەن و داوای چارەسەری كێشەكانیان دەكەن.
قەزای پێنجوێن دەكەوێتە سنوری نێوان پارێزگای سلێمانی و كۆماری ئیسلامی ئێران و ناوچەیەكی بازرگانییە.