شەوی رابردوو لە شاری كەركوك، بەهۆی دروستبوونی دەمەقاڵێ لەنێوان هاوڵاتییەك و ماڵە خەزورانی، بەهۆیەوە هاوڵاتییەكە كوژراوە.
سەرچاوەیەك لە پۆلیسی كەركوك بە ئێن ئارتی راگەیاندووە، ئەو هاوڵاتییە كاتژمێر ٣ی شەوی رابردوو چۆتە سەر ماڵە خەزورانی و دەمەقاڵێ دروستبووە و دواتر دۆخەكە ئاڵۆز بووە و بە دار و بەرد شەڕیان كردووە لە ئەنجامدا ئەو هاوڵاتییە كوژراوە.
سەرچاوەكە روونیكردۆتەوە، ئەو كەسەی كوژراوە تەمەنی ٣٨ ساڵە و دانیشتووی شاری هەولێرە و پێشمەرگەیە و لەگەڵ خەزوریدا پورزای یەكترن.