راوێژکاری دارایی سەرۆک وەزیرانی عێراق دەڵێت" پێویستە حکومەت هەندێک گۆرانکاری ئەنجام بدات تا کورتهێنانی بودجە تێپەڕێنیرێت."
لە لێدوانێکی رۆژنامەوانیدا، مەزهەر محەمەد راوێژکاری دارایی سەرۆک وەزیرانی عێراق رایگەیاند" لێکتێگەیشتن لەنێوان پەرلەمان و حکومەتدا هەیە، بەڵام تێبینییەکانی پەرلەمان بۆ لیژنەی دارایی لە پەرلەمان لەسەر حکومەت پێویست دەکات هەندێک گۆرانکاری ئەنجام بدات".
راوێژکاری دارایی سەرۆک وەزیراندەشڵێت" دانوستان لەنێوان حکومەت و پەرلەماندا هەیە و پێویست ناکات جارێکی دیکە پرۆژە یاسای بودجە بگەڕێندرێتەوە، چونکە لەڕاستیدا کات درەنگی کردووە و ئەوە چوار وەرزە بودجە و پلانی دارایی لە وڵاتدا تێنەپەڕێندراوە."
ئاماژەی بەوەشکرد، پێیوایە لایەنە سیاسییەکان و فراکسیۆنەکانی پەرلەماندا لە ناوخۆیاندا پێویستیان بە کۆدەنگی نیشتیمانی هەیە هەتا بتوانرێت پڕۆژە یاساکە تێپەڕێنرێت لەگەڵ ئەنجامدانی هەندێک گۆرانکاری سادە لەدیاریکردنی بڕی بەشە بودجەی وەبەرهێنان لەنێوان پارێزگاکان و هەرێمەکاندا.
ێشتر تەیف سامی وەزیری دارایی عێراق بە رۆژنامەی سەباحی راگەیاند بودجەی ئەمساڵی عێراق ١٤٠ ترلیۆن دینارە و ٨٠ ترلیۆنی بۆ موچە و خەرجییەکانی حکومەتە.
ئاماژەی بەوەشدابوو، ئەو بودجەیەی بۆ ساڵی ٢٠٢٣ ئامادەکراوە زۆرترین بودجەیە لە مێژووی ئەو وڵاتەدا.