وەزارەتی دارایی و ئابوری هەرێم رایدەگەیەنێت، هەفتەی داهاتوو تاوتوێی دابەشكردنی مووچەی مانگی نیسان دەكەن و دواتر خشتەی مووچە رادەگەیەنن.
هونەر جەمال، بەڕێوەبەری راگەیاندنی وەزارەتی دارایی و ئابوری هەرێم بە (سپی) راگەیاند، وەزارەتی سامانەسروشتییەكان بەشێك لە داهاتی نەوتی خستوەتە سەر هەژماری بانكی وەزارەتی دارایی، لە ئێستاشدا لە هەوڵدان بە داهاتی سامانەسروشتییەكان و 400 ملیاری قەرزی بەغدا و داهاتی ناوخۆ و هاوكارییەكانی هاوپەیمانان، تەواوكاریی موچەی مانگی چوار دابین بكەن.
ناوبراو ئاماژەی بەوەكردووە، دوای پشووی جەژن ئامادەكاریی دەكەن بۆ ئەوەی بەشەكانی دیكەی داهاتی نەوت بگاتە وەزارەت و لەسەرەتای مانگی ئایاردا خشتەی موچە رابگەیەنن.
جێی ئاماژەیە تائێستا بەشێك لە فەرمانبەران و خانەنشینانی سەربازی لەسنوری پارێزگای سلێمانی مووچەی مانگی ئازاریان وەرنەگرتووە.