دەزگای ئاسایشی هەرێمی كوردستان دەستگیركردنی باندێكی فرۆشتنی ئامێرەكانی قۆپیكردنی ڕاگەیاند.
دەزگای ئاسایشی هەرێم لە راگەیەنراوێكدا رایگەیاندوە، هێزەكانیان سێ تۆمەتباریان دەستگیركرد كە هەوڵیاندابوو خوێندكاران فریو بدەن كە پرسیاری پۆلی ( ١٢ )ی ئامادەیی دەفرۆشن بە ڕێگای مامەڵەی ئۆنلاین .
هەر بەپێی راگەیەنراوەكە، لەسەر فەرمانی دادوەری لێكۆڵینەوە، هێزەكانیان لە ماوەیەكی كورتدا زانیاری پێویستیان بەدەستهات بۆ دەستنیشانكردنی شوێنی تۆمەتباران و دەستگیركردنیان، سەرئەنجام توانرا گروپێكی سێ كەسی دەستگیربكەن، كاریان فرۆشتنی ئامێرەكانی قۆپیكردن بووە و دەستگیرا بەسەر چەند ئامێر و كەرەستەی قۆپیكردن.